An Awareness Initiative (ബോധവര്‍ല്‍ക്കരണ സംരംഭം)

 Updated on 29 June Wednesday 2011


 സ്റ്റേജ് -1 ബ്രെയിന്‍ സ്റ്റോമിംഗ് സ്റ്റേജ്.  എന്നു പറഞ്ഞാല്‍ അസംസ്കൃത ആശയങ്ങള്‍ രൂപപ്പെടുന്ന സ്റ്റേജ്. ഇവിടെ രൂപപ്പെടുന്നവക്ക് പോളീഷ് കൊടുക്കുകയാണ് പിന്നീട് ചെയ്യുന്നത്. ഇതു വരെ ഇതിലേക്കായി അനുകൂലമായി പ്രതികരിച്ചവര്‍/ അഭിപ്രായം പറഞ്ഞവര്‍ താഴെപ്പറയുന്നവരാണ്.

1. കുഞ്ഞൂസ്
2. ലീല.എം.ചന്ദ്രന്‍
3.സിബു സി.ജെ
4. ഫയര്‍ ഫ്ലൈ (firefly)
5. മുഹമ്മദ് കുട്ടി Mohammedkutty
6. The man to walk with
7 Echumukuty

ഇവരാണ്. ഇനിയും കൂടുതല്‍ ആളുകള്‍ ഇതിലേക്കു വരാനുണ്ട്. വരുമെന്ന് പ്രതീക്ഷിക്കുന്നു. എത്രയും കൂടുതല്‍ ആളുകള്‍ ഇതില്‍ വരുന്നുവോ അത്രയു ഭംഗിയായി നമുക്കു കര്യങ്ങള്‍ ചെയ്യാം.

ഇനിയും ചേരാനുള്ളവര്‍ വരട്ടെ.

ഇപ്പോള്‍ നമുക്കെന്തു ചെയ്യാം.

കൂടുതല്‍ ആളുകള്‍ ചേരുമ്പോഴേക്ക് നമുക്കെന്തു ചെയ്യാം/ ചെയ്യണം എന്നുള്ളതിനേക്കുറിച്ച് ആലോചിക്കാം.
1. ഇതു നമ്മുടെ ഓരോരുത്തരുടെയും സ്വന്തമാണ്. അങ്ങനെയാണ് ഇതു വളര്‍ന്നു വരേണ്ടതും പ്രവര്‍ത്തിക്കേണ്ടതും.
2 അതിനാല്‍, ഇവിടെ ഒത്തുചേര്‍ന്ന ഓരോരുത്തര്‍ക്കും ഈ പ്രശ്നത്തെക്കുറിച്ച് നല്ല് അറിവുകള്‍ ഉണ്ട്.  അപ്പോള്‍ അതിനെക്കുറിച്ച്  എഴുതുക, അതാ‍യത് ഈ പ്രശ്നം എന്ത് (define the problem as you think), അതിന്റെ കാരണങ്ങള്‍ (Its causes), അതിന്റെ പരിഹാരമാര്‍ഗങ്ങള്‍,(possible solutions) എന്ത് ഇതിലേക്കു സ്വന്തമായി ചെയ്യാന്‍ കഴിയും (What can I do), കൂട്ടായി ചെയ്യാന്‍ കഴിയും, (What should we do together).  പിന്നെ എങ്ങനെ നമുക്കിതു പരമാവധി ആളുകളില്‍ എത്തിക്കാം തുടങ്ങിയവ. ഇത്രയുമാണ് ഞാന്‍ ചിന്തിക്കുന്നത്. കൂടുതല്‍ ചേര്‍ക്കുക, നിങ്ങളുടെ ക്രിയാത്മകബുദ്ദിയും, ചിതകളും ഉപയോഗിക്കുക. അതുകൊണ്ട്, ഞാന്‍ പറയുന്നതില്‍ മാത്രം ഒതുക്കരുത്.
2. മിനിമം രണ്ടൂ ഭാഗങ്ങളായാണ് നമ്മുടെ സമീപനങ്ങള്‍ 1 അവബോധനം. 2. പ്രശ്ന പരിഹാരം. ഒരു പ്രശ്നം ഉണ്ടാകുമ്പോള്‍ ഒരു വിക്റ്റിമിന്  ഏതു തരത്തില്‍ രക്ഷനേടാം. എവിടൊക്കെയാണ് സഹായം ലഭിക്കുന്നത് തുടങ്ങിയവ.

3, ഇതൊക്കെ ഒന്നുകില്‍ ഈ പോസ്റ്റില്‍ കമന്റായി എഴുതുക, അല്ലെങ്കില്‍ നിങ്ങളുടെ ബ്ലോഗില്‍ പോസ്റ്റു ചെയ്തു ലിങ്ക് ഇവിടെ ഇവിടെ കമന്റായി ചേര്‍ക്കുക.
4. ഇവിടെ സിബുവിന്റെ കമന്റ് ഒരു ഉദാഹരണ്മായി എടുക്കാം. സിബു സാങ്കേതികമായും ആശയപരമായും ഉള്ള അഭിപ്രായങ്ങള്‍ ആണ് എഴുതിയിരിക്കുന്നത്. അതുപോലെയുള്ള അഭിപ്രായങ്ങള്‍ എഴുതുക.

5. എന്തും എഴുതുക. അതായത് ഞാന്‍ മുകളില്‍ എഴുതിയതു പോലെ ഇതു ബ്രെയിന്‍ സ്റ്റോമിംഗ്  സ്റ്റേജാണ്. ഇവിടെ വരുന്ന ആശയങ്ങള്‍ തേച്ചുമിനുക്കിയാണ് നമ്മള്‍ മുന്നോടു പോകുന്നത്
6. ഇതൊരു ബോട്ടം അപ് /ജനകീയ അപ്രോച്ച് ആണ്. ആരും ഒന്നും അറിയാവുന്നവരല്ല, ഇവിടെ, എല്ലാ‍വരും കൂടി ഒത്തു ചേര്‍ന്ന്  അവരവര്‍ക്കറിയാവുന്ന കൊച്ചു അറിവുകളും ചിന്തകളും കൂട്ടിച്ചേര്‍ത്ത് ഒരു വലിയ ആശയമാക്കുന്നു, അത് പ്രവര്‍ത്തിയിലാക്കുന്നു. അത്ര തന്നെ.

7.ആ ഒരു വലിയ ആശയത്തിന്റെ വഴിക്കാട്ടികളാണ് എന്നു നമ്മള്‍ അഭിമാനിക്കുക. Together we can tackle many things. Be proud of ourselves and move forward.

June 28 Tuesday 2011

 എന്തുകൊണ്ട്, സ്ത്രീകള്‍ക്ക് ഒരു ബോധവല്‍ക്കരണത്തിനായി ഒരുമിച്ചുകൂടാ?
പലപ്പോഴായി ചിന്തിച്ചിട്ടുള്ളതാണ്. കഴിഞ്ഞ ദിവസം സിബുവിന്റെ  ഒരു ബസ്സിലും ഇങ്ങനെ ഒരു ചോദ്യമുണ്ടായപ്പോള്‍ അതിനെ ക്കുറിച്ച് കുറച്ചുകൂടി ഗൌരവമായി ചിന്തിച്ചു.


ഇപ്പോള്‍ ഭൂമിയില്‍(കേരളത്തില്‍) ധാരാളം സംഘടനകള്‍ ഉണ്ട്. പക്ഷെ ഇവ പലലെവലില്‍ പ്രവര്‍ത്തിക്കുന്നതാണ്. ഇവയൊക്കെ പ്രവര്‍ത്തിക്കുന്നുണെങ്കിലും അതു കൊണ്ട് പരിപൂര്‍ണഫലം ഊണ്ടാകുന്നില്ല എന്നു വേണം കരുതുവാന്‍. പിന്നെ prevention is better than cure. അതുകൊണ്ട് ഏറ്റവും നല്ല മാര്‍ഗം പ്രിവെന്‍ഷന്‍ ആണ് ബോധവല്‍ക്കരണം.


ബോധവല്‍ക്കരണം സമൂഹത്തിനാണ്, അല്ലാതെ ഒരു വിഭാഗത്തിനു മാത്രമാകരുത്, അതായ  സ്ത്രീകള്‍ക്കു മാത്രമകരുത്. എല്ലാ‍വര്‍ക്കും ആവശ്യമാണ്.
അങ്ങനെയൊന്ന്  ബ്ലോഗിന്റെ മീഡിയ ഉപയോഗിച്ച് ചെയ്യാന്‍ കഴിയുമോ എന്നുള്ള ഒരു ചിന്തയാണ്.


ഇന്നലെ ഇതിനെക്കുറിച്ച് കുഞ്ഞൂസിന് ഒരു മെയില്‍ അയച്ചിരുന്നു. ഞാനെഴുതിയതും കുഞ്ഞൂസ് എഴുതിയതും ഇവിടെ കൊടുക്കുന്നു. ഈ മെയിലിലെ ആശയങ്ങള്‍ ഇതിനെ കുറിച്ചു കൂടുതല്‍ മനസിലാക്കാന്‍ സാധിക്കുമെന്നുള്ളതിനാല്‍ ഇവിടെ കൊടുക്കുന്നു.

പ്രസന്ന: .കുഞൂസ് പറഞ്ഞതു പോലെ നമ്മുടെ
പെണ്‍കുട്ടികളെ എങ്ങനെ ബോധവതികളാക്കാം. സത്യത്തില്‍ നമ്മുടെ യുവാക്കളെ
എന്നു പറയാം. കാരണം ആണ്‍കുട്ടികള്‍ക്കും സമൂഹ്യമായി
പ്രവര്‍ത്തിക്കുന്നതിലേക്കും പെരുമാറുന്നതിലേക്കും അറിവ് വേണം. ഈ ജോലി
സ്കൂളുകളോ രക്ഷകര്‍ത്താക്കളൊ ചെയ്യുന്നില്ല, അതിനാല്‍ അവരെ ആ ജോലി
ഏല്‍പ്പിക്കേണ്ടതുണ്ട്. ഇതിനെ കുറിച്ചൊക്കെ ബോധവല്‍ക്കരണം നടത്തുക.


കുഞ്ഞൂസ്: ബോധവല്‍ക്കരണം. - ഇതാണ് ഏറ്റവും ദുര്‍ഘടം പിടിച്ച ജോലിയും, ഏറ്റവും ആവശ്യമായതും.... അതിനു രക്ഷകര്‍ത്താക്കളും സ്കൂള്‍ അധികൃതരും മുന്‍കൈ എടുക്കേണ്ടതുണ്ട്‌. അതിനായി അവരെ ഒരുക്കേണ്ടതുണ്ട്, ഈ ബോധവല്‍ക്കരണത്തിലൂടെ യുവാക്കള്‍ക്ക്, ആണിനും പെണ്ണിനും സമൂഹത്തില്‍ എങ്ങിനെ പെരുമാറണം എന്ന്‌ മാത്രമല്ല, നന്മ - തിന്മകള്‍ തിരിച്ചറിയാനും അവയോടു പ്രതികരിക്കാനും കഴിയണം.
പ്രസന്ന: പിന്നെ വിവര ശേഖരണം നടത്തുക. അതായത്, ഇന്നത്തെ അവസ്ഥയില്‍ ആരെങ്കിലും
അടുത്ത ഒരു പെണ്‍കുട്ടി ഇതുപോലെ ഒരപകടത്തല്‍ പെട്ടാല്‍ ആരെയാണ്
സമീപിക്കേണ്ടത് ആ കുട്ടിയും വീട്ടുകാരും,. ഈ പ്രാധമിക വിവരം, എനിക്കോ
കുഞ്ഞൂസിനോ ഇപ്പോല്‍ ഉണ്ടോ? എനിക്കില്ല.ആ തരത്തിലേക്കുള്ള വിവരങ്ങള്‍
ശേഖരിച്ചു വക്കുക. നാട്ടിലുള്ള അത്തരം സംഘടകളുമായി ബന്ധപ്പെടുക.


കുഞ്ഞൂസ്: നാട്ടില്‍ വനിതാ കമ്മീഷന്‍ ഒക്കെ ഉണ്ട്.അതുപോലെ മനുഷ്യാവകാശ സംഘടനകളും.എന്നാല്‍, അവയുടെയൊക്കെ പ്രവര്‍ത്തനം സുതാര്യമാണോ എന്നറിവില്ല.നമുക്ക് ബ്ലോഗ്ഗേര്‍സിനു ചെയ്യാവുന്ന ഒരു കാര്യം, എല്ലാ ജില്ലയിലും ഒരു ഗ്രൂപ്പ്‌ ഉണ്ടാക്കുക. ഇത്തരം അപകടങ്ങളില്‍ പെടുന്നവര്‍, ആണിനും പെണ്ണിനും വേണ്ട സഹായങ്ങള്‍, അതായതു, എവിടെ നിന്നു അവര്‍ക്ക് നീതി ലഭിക്കും, അതിനായി ആരെ സമീപിക്കണം തുടങ്ങിയ വിവരങ്ങള്‍ എങ്കിലും നല്കാന്‍ കഴിയണം. അതുപോലെ, ഒരു ബ്ലഡ്‌ ഡാറ്റബേസ് ഉണ്ടാക്കി വച്ചാല്‍ അതാത് ജില്ലകളില്‍ എങ്കിലും തക്ക സമയത്ത് ആവശ്യക്കാര്‍ക്ക് ഉപകാരപ്പെടും. 
പിന്നെയൊന്ന്, ഒരു സഹായനിധി പോലൊന്ന് രൂപികരിക്കാന്‍ കഴിഞ്ഞാല്‍, ആവശ്യ സമയത്ത് ഓടിനടക്കാതെ പെട്ടന്ന് സഹായം എത്തിക്കാന്‍ കഴിയും എന്നതാണ്.വര്‍ഷത്തിലെ ഒരു മാസം അതിനായുള്ള ധന ശേഖരണത്തിനായി ശ്രമിക്കാവുന്നതാണ്. എല്ലാവരും ഒരു നൂറു രൂപ വീതം വര്‍ഷത്തില്‍ ഒരിക്കല്‍ ഈ സഹായനിധിയില്‍ ഇട്ടാല്‍ തന്നെ, നല്ലൊരു തുക നമുക്ക് സമാഹരിക്കാനാവും.    
പ്രസന്ന:
ഇനി നടത്തിപ്പ്,

ഈ വിവരം ഒരു പോസ്റ്റാക്കി ഇടാം. എന്നിട്ട് താല്പര്യമുള്ളവര്‍ അതില്‍
അഭിപ്രായം രേഖപ്പെടുത്താന്‍ പറയുക. മെയില്‍ വഴിയും ആളുകളെ അറിയിക്കുക.
എന്നിട്ട് താല്പര്യമുള്ളവരൊക്കെ  ചേര്‍ ന്ന് ഒരു ഗ്രൂപ്പ് ബ്ലോഗു
തുടങ്ങുക. ഒരോരുത്തരും മുകളീല്‍ പറഞ്ഞ് വിഷയങ്ങളില്‍
അടിസ്ഥനപ്പെടുത്തി/ശേഖരിച്ച് അതില്‍ പൊസ്റ്റുകള്‍ ഇടുക.  ഇതാണ് ഷോര്‍ട്ട്
റ്റേം പ്ലാന്‍. ഇനി ലോംഗ് റ്റേം പ്ലാന്‍ അതൊക്കെ നമുക്ക് പിന്നീടു
ആലോചിക്കാം,.
ഇതിനേക്കുറിച്ച് എന്തു പറ്യുന്നു, ആര്‍ക്കും കൂട്ടുകയും കുറക്കയും ചെയ്യാം

 കുഞ്ഞൂസ്
ഈ വിവരം പോസ്റ്റ് ആക്കാം പ്രസന്നാ... പ്രസന്ന പോസ്റ്റ് ഇടൂ, എന്നിട്ട് നമുക്ക് ലിങ്ക് എല്ലാവര്‍ക്കും അയക്കാം. ആളുകള്‍ എങ്ങിനെ പ്രതികരിക്കും എന്ന്‌ നോക്കാം.ഇന്ഗ്ലീഷിലും മലയാളത്തിലും പോസ്റ്റ് ഇടം.ലോകത്തിന്റെ എല്ലാ കോണിലും എത്തട്ടെ.... എല്ലാവരും പ്രതികരിക്കട്ടെ. കൂടുതല്‍ ആശയങ്ങള്‍ ഉരുത്തിരിഞ്ഞു വരട്ടെ.... എന്റെ എല്ലാ സഹായങ്ങളും എപ്പോഴും ഉണ്ടാവും.
ഇതാ ഞങ്ങള്‍ ഇവിടെ വരെ എത്തി. ഇനി ബാക്കി മറ്റുള്ളവര്‍ ഇതിനെ എങ്ങനെ സ്വീകരിക്കുമെന്നതിനെ ആശ്രയിച്ചിരിക്കുന്നു.

നമ്മുടെ സ്റ്റേറ്റിനെ ഒരു പ്രോഗ്രസീവ് വാല്യു അധിഷ്ഠിധ സ്റ്റേറ്റാക്കുക. അതാണ് ഉദ്ദേശം. അതിനുവേണ്ടി ഒരു ചെറിയ തുടക്കം. ഞങ്ങള്‍ ഇത്രയും ചെയ്തു.

പ്രതികരിക്കുക. ക്രിയാത്മകമായും ക്രിട്ടിക്കലായും. പുരുഷ ബ്ലൊഗേഴ്സും ഇതില്‍ പ്രധാനപ്പെട്ട ഒരു പങ്കു വഹിക്കാനുണ്ട്. മറക്കരുത്. ഇതു സമൂഹത്തിന്റെ ഒരു ചലെഞ്ച് ആണ്.



Comments

  1. നമ്മുടെ സ്റ്റേറ്റിനെ ഒരു പ്രോഗ്രസീവ് വാല്യു അധിഷ്ഠിധ സ്റ്റേറ്റാക്കുക. അതാണ് ഉദ്ദേശം. അതിനുവേണ്ടി ഒരു ചെറിയ തുടക്കം. ഞങ്ങള്‍ ഇത്രയും ചെയ്തു.

    പ്രതികരിക്കുക. ക്രിയാത്മകമായും ക്രിട്ടിക്കലായും. പുരുഷ ബ്ലൊഗേഴ്സും ഇതില്‍ പ്രധാനപ്പെട്ട ഒരു പങ്കു വഹിക്കാനുണ്ട്. മറക്കരുത്. ഇതു സമൂഹത്തിന്റെ ഒരു ചലെഞ്ച് ആണ്.

    ReplyDelete
  2. സൈബ്രിംഗ് എന്ന ആശയത്തില്‍ നിന്നും ഞങ്ങള്‍ ഒരു ഗ്രൂപ്പ്‌ നെ വളര്‍ത്തിയെടുക്കുന്നുണ്ട്...

    സൈബ്രിംഗ് ല്‍ ലഭിക്കുന്ന ഒരു പരാതിയും പരിഹരിക്കപെടാതെ പോകില്ല.
    ആര്, ഏതു പദവിയില്‍ ആണെങ്കിലും നടപടി ഉണ്ടായേ പറ്റൂ..തെറ്റ് ചെയ്യുന്നവര്‍ ആരായാലും ശിക്ഷക്ക് അര്‍ഹരാണ്...

    ഞങ്ങള്‍ ഒരു രാഷ്ട്രീയത്തിന്റെയും മതത്തിന്റെയും പിടിയില്‍ അല്ല.. കാത്തിരിക്കു..
    "We respectiong our law and order !!! Supporting kerala Police & Cyber Cell !!!"

    നിങ്ങള്‍ക്കും അതിലെ അംഗമാകാം.
    www.cybrng.com

    query : cybrng.com/feedback.php

    ReplyDelete
  3. എന്റെ സപ്പോര്‍ട്ട് ഉണ്ടാകും.
    നമുക്കൊരുകൈ നോക്കാം.

    ReplyDelete
  4. വളരെ വളരെ സന്തോഷം ലീലേ. നമ്മളെ കഴിയുന്നതു ചെയ്യുക. അതെ നമുക്കൊരു കൈ നോക്കിക്കളയാം. ഒത്തു പിടിക്കാം നമുക്ക്. കൂടുതല്‍ ആള്‍ക്കാര്‍ ഇതറിഞ്ഞ് ഇതിലേക്ക് സപ്പോര്‍ട്ടു തരട്ടെ എന്നു പ്രതീക്ഷിക്കുന്നു. :)

    സസ്നേഹം പ്രസന്ന

    ReplyDelete
  5. ബോദവൽക്കരണത്തിനു ഒരു വിക്കിയാണ് വേണ്ടത് എന്നെന്റെ പക്ഷം. ആർക്കും വന്ന് ഡീറ്റേൽസ് തരാവുന്ന ഒരു സ്തലം. അതിൽ തന്നെ വിക്കിപ്പീഡിയയിൽ ആകാവുന്നവ അവിടെ തന്നെ വേണം. മലയാളം വിക്കിപീഡിയയിൽ ഒരു പോർട്ടലും തുടങ്ങാവുന്നതാണ് - സ്ത്രീ പ്രശ്നങ്ങൾ എന്നപേരിലോ മറ്റോ. അവിടെ എഴുതാനാവാത്ത കാര്യങ്ങൾ മാത്രം പുറത്തുള്ള മറ്റൊരു വിക്കിയിലും വയ്ക്കുക. (പ്രത്യേക അജണ്ടകൾ, ഒരു പോപ്പുലേഷൻ മാത്രം ടാർഗറ്റ് ചെയ്യൽ എന്നിവയൊന്നും വിക്കിപ്പീഡിയയിൽ പറ്റുമെന്ന് തോന്നുന്നില്ല)

    വേണ്ടകാര്യങ്ങൾ:
    - എന്താണ് സ്ത്രീ ലൈംഗികത - ask me what i want തുടങ്ങിയ കാമ്പേയിനുകൾ ഇവിടെ പ്രസക്തമാണ്
    - എന്താണ് സ്ത്രീ സമത്വം - സാദാരണക്കാരനു മനസ്സിലാവുന്ന രീതിയിൽ ഇത് പറയണം (equality in negotiational power എന്നാണ് എന്റെ ഉത്തരം)
    - സ്വരക്ഷോപായങ്ങൾ; അതിനുള്ള ട്രെയിനുങ്ങ്, ഉപകരണങ്ങൾ; വളണ്ടിയർമാർക്ക് സ്വീകരിക്കാവുന്ന സ്റ്റ്രാറ്റജികൾ
    - ഷെൽറ്ററുകളെപറ്റിയുള്ള വിവരങ്ങൾ
    - ലോകത്തിൽ ബാക്കി സ്തലത്തുള്ള ഇത്തരം ഗ്രൂപ്പുകളുമായുള്ള കോണ്ടാക്റ്റുകൾ
    ...

    ReplyDelete
  6. ആണുങ്ങൾക്ക് ഇതിൽ പങ്ക് വഹിക്കാനുണ്ട് എന്നത് ശരിയാണ്. എന്നാൽ ലീഡ് ചെയ്യുന്നത് സ്ത്രീകൾ തന്നെ ആവണം.

    ReplyDelete
  7. സിബുവിന്റെ കമന്റ് വളരെ പ്രചോദനം നല്‍ക്കുന്നു എന്നാദ്യമേ പറയട്ടെ. എനിക്കു മാത്രമല്ല, ഇതില്‍ പ്രവര്‍ത്തിക്കാന്‍ സന്നദ്ധത കാണീക്കുന്ന എല്ലവര്‍ക്കും, എന്നാണ് എന്റെ അഭിപ്രായം.

    വിക്കിയുടെ ഉപയോഗം ചൂണ്ടിക്കാട്ടിയതില്‍ സന്തോഷം. ഞാന്‍ ആലോചിക്കയായിരുന്നു അതിനെക്കുറിച്ച്, വിവരങ്ങള്‍ ഒരിടത്തു കൂട്ടിവക്കണമല്ലോ.
    പിന്നെ വിക്കിയെ കുറിച്ച് കൂടുതല്‍ സങ്കേതികത(ഒരു പോപ്പുലേഷനെ ടാര്‍ജെറ്റ് ചെയ്യാന്‍ പറ്റാത്ത) മനസിലാക്കാനുണ്ട്.

    വേണ്ട കാര്യങ്ങള്‍:
    ബോധവല്‍ക്കരണത്തിന് സിബു പറഞ്ഞ ഓരൊ കാര്യങ്ങള്‍ക്കും വാല്യു ഉണ്ട്. അതെ ആണ്‍-പെണ്‍ തുല്യത, അണ്‍ റിയലിസ്റ്റിക് റ്റേംസില്‍ പറഞ്ഞിട്ടു കാര്യമില്ല.

    ബാക്കി എല്ല്ലാ അഭിപ്രായങ്ങളും സ്വീകാര്യമാണ് എന്നാണ് എന്റെ അഭിപ്രായം. ഈ വിവരങ്ങള്‍ കിട്ടുന്നതിന്റെ മെതെഡോളജിയെക്കുറിച്ച് ചിന്തിക്കണം.

    ആണുങ്ങള്‍ ഇതില്‍ പങ്കു വഹിക്കാനുണ്ട് എന്നു പറഞ്ഞത്, ഇതിനെ ഒരു സമൂഹ്യപ്രശ്നമായി കാണാന്‍ ശ്രമിക്കുന്നതു കൊണ്ടാണ്. സ്ത്രീകളുടെ പ്രശ്നം എന്നു പറയുമ്പോള്‍ സ്ത്രീകളെക്കുറിച്ചു ബഹുമാനമില്ലത്ത ഒരു സമൂഹത്തില്‍ അതിനെ നിസ്സരമായി കാണുകയേ ഉള്ളും.

    തന്നെയുമല്ല, സാങ്കേതിക ഉപദേശങ്ങള്‍/സഹായങ്ങള്‍ (മുകളീല്‍ തന്നതുപോലെ) ആ‍ാവശ്യമാണ്.

    പോരെങ്കില്‍ ഇതു കുട്ടികളെ ബാധിക്കുന്ന് പ്രശ്നം കൂടിയാണ്.എന്നാലും സ്ത്രീകല്‍ ലീഡ് ചെയ്യണമെന്നു പരയുന്നതിന്റെ സ്പിരിറ്റ് മനസിലാകുന്നുണ്ട്. തീര്‍ശ്ചയായും ആ സ്ഥാനത്തെക്ക് സ്ത്രീകള്‍ ഉണ്ടാകും.

    ReplyDelete
  8. firefly,

    കൂടെയുണ്ടാകണം. വളരെ കമിറ്റഡ് ആയ ഒരു പ്രോമിസായി എടുക്കുന്നു.:)

    ReplyDelete
  9. ഇപ്പോഴെങ്കിലും ഇങ്ങനെ ഒരു ചിന്ത വന്നതില്‍ സന്തോഷമുണ്ട്. സാധാരണ പറയാറുണ്ട്,സ്ത്രീകളാണ് സ്ത്രീകളുടെ ശത്രുവെന്ന്!.എല്ലാവരും (സ്ത്രീയും പുരുഷനും) സഹകരിച്ചു പ്രവര്‍ത്തിച്ചാല്‍ നമ്മുടെ സമൂഹം നന്നാവും.നമ്മുടെ മീഡിയകള്‍ക്കും ഇതില്‍ കുറെ സഹായിക്കാന്‍ കഴിയും. എന്തെങ്കിലും സംഭവിച്ചാല്‍ അതു വെച്ചു ആഘോഷിക്കുന്നതിനു പകരം ബോധവല്‍ക്കരണം നടത്താന്‍ അവര്‍ വിചാരിച്ചാല്‍ കഴിയും.ഓരോ ഫീല്‍ഡുമായും ബന്ധമുള്ളവര്‍ അതത് മേഖലയില്‍ കൂടുതല്‍ പ്രചരണം നടത്താന്‍ ശ്രമിക്കണം.എല്ലാ പിന്തുണയും വാഗ്ദാനം ചെയ്യുന്നു. മറ്റുള്ളവരിലേയ്ക്ക്(പ്രത്യേകിച്ച് പുരുഷന്മാരിലേക്ക്) ഈ സന്ദേശം എത്തിക്കാന്‍ ശ്രമിക്കാം.

    ReplyDelete
  10. നല്ലൊരു കാര്യമാണല്ലോ. തീർച്ചയായും കൂടെയുണ്ടാകും.

    ReplyDelete
  11. ഞാനും വിക്കിയിൽ ഒരു ശിശുവാണ്; അതുകൊണ്ട് ദാരണകളിൽ പിശകുകളുണ്ടാകാം. എന്നാലും എന്റെ മനസ്സിലെ മോഡലിൽ അത് ഒരു എൻസൈക്ലോപീഡിയ ആണ്. ഒരു ആക്ടിവിസത്തിനു അത് ഡിറക്റ്റ്ലി ഉപയോഗിക്കാൻ പറ്റില്ല. അതായത് ഇന്നതാണ് ഇതിനെ മോട്ടോ - ഇന്ന കാര്യങ്ങളാണ് അത് ചെയ്യാൻ ഉദ്ദേശിക്കുന്നത്. അത് ഇന്ന പോപ്പുലേഷനിൽ ആണ് പ്രവർത്തികാൻ ഉദ്ദേശിക്കുന്നത് എന്നിങ്ങനെ ആ ഓർഗനൈസേഷനെ പറ്റിയുള്ള ഒന്നും നേരെ വിക്കിപ്പീഡിയയിൽ എഴുതി തുടങ്ങാൻ പറ്റില്ല. കാരണം വിക്കിക്ക് റഫറൻസ് വേണം. നേരെ വിക്കിയിൽ എഴുതിത്തുടങ്ങിയാൽ എവിടെയാണ് റെഫറൻസ്. അതേ സമയം ഓർഗനൈസേഷന്റെ സ്ട്രക്ചറുമായി ബന്ദമില്ലാത്ത പൊതുകാര്യങ്ങൾ വിക്കിപ്പീഡിയയിൽ നേരെ എഴുതാവുന്നതാണ്. അവയുടെ റഫറൻസ് പത്രങ്ങളോ മറ്റു പബ്ലിക്കേഷൻസോ ആയിരിക്കുമല്ലോ. ഉദാഹരണത്തിനു ഇന്ത്യയിലെ സ്ത്രീകൾക്കെതിരെയുള്ള ആക്രമണങ്ങളെ കുറിച്ചുള്ള വിവരങ്ങൾ കണക്കുകൾ. ഞാൻ ഷിജുവിനോട് ചോദിക്കട്ടെ ഞാനീ പറഞ്ഞ കാര്യങ്ങൾ ശരിയല്ലേ എന്ന്.

    ഒന്നു കൂടി ആലോചിക്കുമ്പോൾ തോന്നുന്നു, വിക്കിപ്പീഡിയയ്ക്ക് പുറത്ത് ഒരു വിക്കി സ്റ്റാർട്ട് ചെയ്യുന്നതിനുപകരം ഗൂഗിൾ സൈറ്റ്സ് ആയിരിക്കും കുറച്ചുകൂടി ഫാസ്റ്റായി എക്സിക്കൂട്ട് ചെയ്യാവുന്ന ഒരു ഓപ്ഷൻ. വരമൊഴിയുടെ സൈറ്റ് ഒരു ഉദാഹരണമാണ്. http://varamozhi.sf.net കാണുക. സംശയമുണ്ടെങ്കിൽ ചോദിക്കൂ.

    ReplyDelete
  12. നല്ലൊരു കാര്യമാണ്. പക്ഷെ വാദി പ്രതിയാകരുത്. പി.ഇ. ഉഷയെ ആരെങ്കിലും ഓര്‍ക്കുന്നുവോ?????????????

    ReplyDelete
  13. കൂടുതല്‍ ആശയങ്ങളുമായി പോസ്റ്റ് അപ്ഡേറ്റ് ചെയ്തിട്ടുണ്ട്. കാണുമല്ലൊ.

    ReplyDelete
  14. സിബു,

    എനിക്കു ഈ സാങ്കേതിക കാര്യങ്ങളിള്‍ വല്യ വിവരമൊന്നുമില്ല. അപ്പോള്‍ സിബു ഫൈനല്‍ ആയിട്ടു പറയുന്നത്, ഗൂഗിളിന്റെ സൈറ്റു പോലെയൊന്നായിരിക്കും നല്ലത് എന്നാണ്. ഞാന്‍
    http://varamozhi.sf.net കണ്ടു. കെട്ടും മട്ടും എനിക്കിഷ്ടമായി. കൂടുതല്‍ ഒന്നു അറിഞ്ഞുകൂടാ.

    സിബു കാണീക്കുന്ന ഈ താല്പര്യത്തില്‍ വളരെ സന്തോഷമുണ്ട് എന്നറിയിക്കട്ടെ

    ReplyDelete
  15. കുസുമം വാദി പ്രതിയാകുന്നു എന്നു പറഞ്ഞാല്‍ എന്താണ് ഉദ്ദേശിക്കുന്നത് എന്നറിഞ്ഞുകൂടാ. ഞാന്‍ കൂടുതല്‍ വിവരങ്ങള്‍ അപ്ഡേറ്റ് ചെയ്തിട്ടുണ്ട്. വായിച്ചു നോക്കുക. എന്നിട്ടു തീരുമാനിക്കുക:)

    ReplyDelete
  16. സ്ത്രീകള്‍ക്കെതിരായ അക്രമം തടയണമെങ്കില്‍ ആദ്യം സ്ത്രീ equal rights ഉള്ള പൌരന്‍ ആണെന്ന് പുരുഷന്മാരെയും, അതിനേക്കാള്‍ മുന്‍പ് സ്ത്രീകളെ തന്നെയും മനസ്സിലാക്കി കൊടുക്കേണ്ടതുണ്ട്.

    ReplyDelete
  17. firefly
    എന്റെ പോസ്റ്റ് അപ്ഡേറ്റ് വായിച്ചോ?

    നല്ല ആശയം സത്യത്തില്‍ അതാണ് പോയിന്റ്. അതിനു വേണ്ടി എങ്ങനെ യാണ് നമ്മള്‍ മൂവ് ചെയ്യേണ്ടത് എന്നെഴുതൂ, ഉദ. ഇതു ചെയ്താല്‍ സ്ത്രീകള്‍ക്ക് തുല്യതാബോധമുണ്ടാകും. അതിനെക്കുറിച്ച് മറ്റാരെങ്കിലും പറഞ്ഞിട്ടുണ്ടോ ആ ലേഖനങ്ങള്‍ ഉദ്ദരിക്കൂ. എന്നിട്ട അത്തരം വിവരങ്ങള്‍ നമ്മുടെ ബൊധവല്‍ക്കരണത്തിന്റെ ഭാഗമാക്കണം.

    ReplyDelete
  18. നല്ല ഇനിഷ്യേറ്റീവ് ആണ്.
    ഫലപ്രദമായ പേരന്റേജ് എന്നതിൽ നിന്നു തന്നെ തുടങ്ങണം.
    അച്ഛനമ്മമാർ മക്കളെ (പ്രത്യേകിച്ച് ആൺ മക്കളെ) എങ്ങനെ വളർത്തണം എന്നത് വളരെ പ്രധാനമാണ്. കുഞ്ഞുന്നാളിലേ തനിക്കു തുല്യയാണ് പെൺകുട്ടിയും എന്ന ബോധം അവനിൽ ഉണ്ടാവണം.

    അതിന് അമ്മമാർ തന്നെ മുൻ കൈ എടുക്കണം.

    ആൺ കുട്ടിയെ കളിയാക്കാനായി പെൺകുട്ടിയോട് താരതംയപ്പെടുത്തുക, മകളേക്കാൾ പ്രാധാന്യം മകനു നൽകുക, നീയൊരു ആൺകുട്ടിയാണ് എന്ന് പ്രത്യേകം പറഞ്ഞുറപ്പിക്കുക....ഇതൊക്കെ കൂടുതലും അമ്മമാർ ആണ് ചെയ്തുകണ്ടു വരുന്നത്.

    വിശദമായ ചർച്ച നടക്കണം. സമയം ഒത്തുകിട്ടുക എന്നതാണ് എന്റെ പ്രശ്നം.

    ഒപ്പം കൂടാൻ ഞാനും ഉണ്ട്.

    ReplyDelete
  19. അതേ അതു തന്നെ ഡോക്ക്ടറേ. പക്ഷെ ആ ആശയം അതെങ്ങനെ ഒരു ബോധനരൂപത്തിലേക്കു പൊതൂ ഉപയോഗത്തിനായി റെഫറന്‍സ് രൂപത്തില്‍ രൂപപ്പെടുത്തി എടുക്കും അന്നുള്ളതാണ് വിഷയം. സമയം പ്രശ്നമാണ്‍ എല്ലാര്‍ക്കും. ഇപ്പോള്‍ സ്കൂള്‍ അവധിയായതുകോണ്ടാണ് ഞാന്‍ കുറച്ചു ഫ്രീ ആയിരിക്കുന്നത്.

    പക്ഷെ നമ്മള്‍ ജീവിച്ചിരിക്കുന്ന ഈ കാലഘ്ട്ടം അതീവ് ദുര്‍ഘടം നിറഞ്ഞതാണ്, എല്ലാ കാലത്തിലും അതിന്റേതായ ദിര്‍ഘടങ്ങള്‍ ഉണ്ടായിരുന്നു എന്നതും സത്യമാണ്. എന്നാല്‍ ആ കാലഘട്ടത്തിലുള്ളവര്‍ എങ്ങനെ അവരുടെ പ്രശ്നങ്ങള്‍ പ്രായോഗികമായി പരിഹരിച്ചു എന്നതൊരു വലിയ ചോദ്യമാണ്”

    ആ ചോദ്യത്തെ നമ്മള്‍ അഭിമുഖീകരിക്കുന്നതിനു തയ്യാറാകുന്നതെങ്ങനെ എന്നുള്ളതാണ് പ്രശ്നം.

    ഉള്ള് സമയം കോണ്ട്, ലക്ഷ്യബോധമുണ്ടെങ്കില്‍ നമുക്കൊരുമിച്ചു പലതും സാധിക്കാം ഡോക്റ്ററേ.ഇതാണെന്റെ വിശ്വാസം

    മറക്കെണ്ടാ ഇതൊരു വിഷയമായി മീറ്റില്‍ അവതരിപ്പിക്കുന്നകാര്യം.

    ReplyDelete
  20. പോസ്റ്റും ചര്‍ച്ചയും വീക്ഷിക്കുന്നുണ്ട്.
    അവധി ദിവസമായതിനാല്‍ ഇന്ന് വിശദമായി വായിക്കാന്‍ കഴിഞ്ഞ്ഞ്ഞു.
    എന്നെക്കൊണ്ട് ആവുന്ന കാര്യങ്ങളില്‍ സഹകരിക്കാന്‍ സന്തോഷമേ ഉള്ളൂ, ജനറേഷന്‍ അത്ര പുതിയതല്ല, അതിന്റെ പോരായ്മകള്‍ ഒരു പക്ഷെ അഭിപ്രായങ്ങളിലും കാണും എന്ന് മാത്രം.

    ReplyDelete
  21. ആദ്യ പടിയായി സ്ത്രീകല്യുടെ അവകാശങ്ങലെക്കുരിച്ച്ചും, വ്യക്തി സ്വാതന്ത്ര്യത്തെ കുറിച്ചും, ഭരണ ഘടന ഉറപ്പു നല്‍കുന്ന തുല്യതയെക്കുരിച്ച്ചുമെല്ലാം ബ്ലോഗില്‍/വിക്കിയില്‍/സൈറ്റില്‍ വിശദമാക്കാം. വിദ്യാഭ്യാസം ഉള്ളവരില്‍ പോലും സ്ടെറ്റിന്റെ കണ്ണില്‍ സ്ത്രീകളും പുരുഷന്മാരും തുല്യരാണ് എന്ന ധാരണ ഉണ്ടോ എന്ന് സംശയമാണ്.

    ReplyDelete
  22. അനില്‍ സന്തോഷമുണ്ട്. എന്തെങ്കിലും ചെയ്യണമെന്ന മോഹത്തിന്റെ പേരില്‍ ഇങ്ങനെയൊന്നു തുടങ്ങി. വിജയം എല്ലാ‍വരും കൂടിച്ചേര്‍ന്ന് പ്രവര്‍ത്തിക്കുന്നതിനെ ആശ്രയിച്ചിരിക്കും.

    ജനറേഷന്‍ പുതിയതല്ലാത്തതാണ് ഞാനും. പഴയജെനറേഷനില്‍ നിന്ന് പുതിയ ജനറേഷനു ധാരാളം പഠിക്കാനുണ്ട്, അതു പഴയതും പുതിയതും തമ്മില്‍ എങ്ങനെ ബന്ധപ്പെടുന്നു എന്നതിനെ ആശയിച്ചിരിക്കും. അതും നമ്മുടെ വിഷയമാകണം.:)

    ReplyDelete
  23. firefly. yes that is the point. you are getting the hang of it.

    അതെ ഭരണഘടന എന്തു പറയുന്നു സ്ത്രീ പുരുഷ് സമത്വത്തെക്കുറിച്ച്. അത് സ്ത്രീപുരുഷ സമത്വമെന്ന സെക്ഷനിന്റെ സ്റ്റാര്‍ട്ടിങ് സബ്സെക്ഷന്‍ ആക്കാം. അതിലേക്കുള്ള ഭരണഘടന റിസേര്‍ച്ച് അത് ഫയര്‍ ഫ്ലൈ അങ്ങട്ടു തുടങ്ങ്. പിന്നീട് നമുക്കതില്‍ വേണമെങ്കില്‍ കൂട്ടിച്ചേര്‍ക്കാം.

    നമ്മുടെ ഭരണഘടനയിലുള്‍ക്കൊള്ളിച്ചിരിക്കുന്ന അവകാശങ്ങളെക്കുറിച്ച് ജനങ്ങള്‍ എന്തുകോണ്ട് ബോധവാന്മാരാകുന്നില്ല അതു രണ്ടാമത്തെ സ്ബ്സെക്ഷന്‍ ആക്കാം. എന്ത്? അഭിപ്രായം പ്രതീക്ഷിക്കുന്നു.

    പിന്നെ എവിടെ ഇതൊക്കെക്കൂട്ടി വക്കണം അതിനേക്കുറിച്ചൊരു കൂട്ടായ തീരുമാനം ആവശ്യമാണ്. ഞാന്‍ അതിലേക്കൊരു പോസ്റ്റ് ഇടുന്നുണ്ട്. സിബു എഴുതിയതു വായിച്ചല്ലോ.

    അതാദ്യം സോള്‍വ് ചെയ്യണം.

    ReplyDelete
  24. തീര്‍ച്ചയായും teacher,..ആദ്യം അവകാശങ്ങളെ കുറിച്ചു ഒന്ന് പഠിച്ചിട്ടു ഒരു പോസ്റ്റ്‌ ആയി ഇടാന്‍ ശ്രമിക്കാം.

    ReplyDelete
  25. ആദ്യം sites.google.com-ൽ പോയി ഒരു സൈറ്റ് തുടങ്ങൂ. എന്നിട്ട് ആദ്യം പറഞ്ഞപോലെ ഓരോ സെക്ഷനും എവിടെ വേണം എന്ന് തീരുമാനിക്കണം.

    1. ഈ സംഗടനയുടെ കാര്യങ്ങൾ - സൈറ്റ്സിൽ
    2. സംഗടനയുടേതല്ലാത്ത പബ്ലിക്ക് കാര്യങ്ങൾ - മലയാളം വിക്കിപ്പീഡിയയിൽ (ഉദാ: http://en.wikipedia.org/wiki/Fundamental_Rights_in_India)
    3. വിക്കിപ്പീഡിയയിൽ ഇട്ടാൽ വല്ലാതെ കോമ്പ്ലിക്കേറ്റഡായി പോകുന്നവ - മലയാളം വിക്കിപാടശാലയിൽ (http://ml.wikibooks.org/) ഉദാ: http://en.wikibooks.org/wiki/Fundamentals_of_Transportation

    ഇതിൽ സെക്ഷൻ 3-ഇൽ പറഞ്ഞത് പുതിയതാണ്‌ - ഷിജുവുമായുള്ള സംസാരിച്ചതിൽ നിന്നും കിട്ടിയതാണ്‌. മനസ്സിലായിടത്തോളം ഏറ്റവും കൂടുതൽ കാര്യങ്ങൾ ഉൾക്കൊള്ളിക്കേണ്ടത് വിക്കിപാടശാലയിൽ ആണ്‌. ഇന്ത്യൻ ബരണഗടന സ്ത്രീകളെ പറ്റി പറയുന്നത് വിക്കിപ്പീഡിയയിൽ ചേർക്കാവുന്നതാണ്‌. അതിലേയ്ക്കുള്ള ലിങ്ക് സൈറ്റിൽ ഒരു പേജിൽ ചേർക്കണം.

    ReplyDelete
  26. അക്ഷരത്തെറ്റുകള്‍ ശ്രദ്ധിച്ചാല്‍ മാറ്റാവുന്നതാണ്.വായിക്കുമ്പോള്‍ ഒരു കല്ലു കടി അതു കൊണ്ടു പറഞ്ഞു പോയതാ..

    ReplyDelete
  27. കഴിയുന്ന വിധത്തില്‍ എല്ലാത്തിനും ഞാനും കൂടെയുണ്ടേ..

    ReplyDelete
  28. സിബു ഞാന്‍ വിവരങ്ങള്‍ ഒരു പോസ്റ്റ് അപ്ഡേറ്റ് ആയിക്കൊടുത്തിട്ടുണ്ട്. പൊതുവായ് തീരുമാനം കൈക്കൊള്ളുന്നതിലേക്ക്. ഒരു തീരുമാനം അവിടെ ഉണ്ടാകുമെന്നു പ്രതീക്ഷിക്കുന്നു.

    ReplyDelete
  29. സന്തൊഷം സിദ്ദിക്ക

    ഞാന്‍ നിങ്ങട പ്രൊഫൈല്‍ മെസേജ് വായിച്ചു. വളരെ ശക്തിയും അര്‍ഥവുമുള്ള വാക്കുകള്‍. ആ തരത്തില്‍ ചിന്തിക്കുന്നവരാണ് ഇങ്ങനെ യൊരു കാര്യത്തിലേക്ക് വേണ്ടത്. വളരെ വളരെ സ്വാഗതം. എന്തെങ്കിലും കഴിയുമോ എന്നു നോക്കാം ഒരു കൈ നമുക്കൊരുമിച്ച്

    ReplyDelete
  30. വീക്ഷിക്കുന്നു.പുറകെയുണ്ട്.

    ReplyDelete
  31. ഉം എവിടെയായിരുന്നു എന്നു ഞാന്‍ ചിന്തിച്ചിരുന്നു.വീക്ഷിക്കുന്നുണ്ടായിരുന്നു അല്ലേ സന്തോഷമായി. കൂടെ യുണ്ടല്ലോ.

    ReplyDelete
  32. ഇത് കാണാന്‍ വൈകി. Firefly ആണ് ലിങ്ക് തന്നത്... നല്ല സംരംഭം... എന്നെക്കൊണ്ട് കഴിയുന്നത്‌ ചെയ്യാന്‍ ഞാനും ഒപ്പമുണ്ടാവും ....

    ReplyDelete
  33. ലിപി സ്വാഗതം,

    ഈ കൂട്ടായ ശ്രമത്തില്‍ നമ്മള്‍ ഒന്നിച്ചു നിന്നു പ്രവര്‍ത്തിക്കേണ്ടിയിരിക്കുന്നു.

    പക്ഷെ വളരെ മന്ദഗതിയിലാണ് ഇതു പോകുന്നത് എന്നുള്ളത് അല്പം നിരാശയുണ്ടാക്കുന്നുണ്ട്. നമുടേതാണ് ഇത് എന്നൊരു ബോധം ആദ്യമായി നമുക്കൂണ്ടാകണം.

    ഫയര്‍ ഫ്ലൈയ് ചെയ്തതു പോലെ എല്ലാ‍വരും ലിങ്ക് മറ്റുള്ളവര്‍ക്കു കൈമാറിയിരുന്നെങ്കില്‍ എന്നാശിക്കുന്നു.

    ഇതിനു ശേഷം ഞാന്‍ വേറൊരു പോസ്റ്റിട്ടിരുന്നു. ചില അത്യാവശ്യതീരുമാനങ്ങള്‍ എടുത്ത് ഒരു സ്റ്റെപ് മുന്നോട്ടു പോകാന്‍. ആ പോസ്റ്റിന്റെ ലിങ്ക് ഞാന്‍ തരാം. അവിടെയൊരു ചര്‍ച്ച നടക്കണം. തീരുമാനമെടുക്കണം, അതുണ്ടാകാതെ നമ്മള്‍ സ്റ്റക്കായിരിക്കുന്നു:).

    http://goweri2.blogspot.com/2011/07/awareness-initiative.html

    ReplyDelete
  34. ലിപിയുറ്റെ കമന്റിൽ, Firefly കാണിച്ചുതന്ന ലിങ്കിലൂടെ ഇവിടെ എത്തി.. നല്ല സംരംഭം... എന്നെക്കൊണ്ട് കഴിയുന്നത്‌ ചെയ്യാന്‍ ഞാനും ഒപ്പമുണ്ടാവും ...

    ReplyDelete
  35. ഞാന്‍ അയച്ച മെയില്‍ കിട്ടിയോ ? കാര്യങ്ങള്‍ക്ക് പിന്നീട് എന്തെങ്കിലും പുരോഗതി ഉണ്ടായോ ?

    ReplyDelete
  36. ചന്തു നായര്‍,

    സന്തോഷമുണ്ട്. നമുക്കെല്ലാവര്‍ക്കും കൂടി ഉത്സാഹിച്ചാല്‍ ഇതൊന്നു റ്റേക് ഓഫ് ചെയ്യാന്‍ കഴിയും.:)

    തിരുവനന്തപുരത്തെ ഞങ്ങളുടെയൊക്കെ അങ്കിളായിരുന്ന ചന്ദ്രകുമാറിനെ അറിയുമോ? ഫയര്‍ ഫ്ലൈ ഇസ് വെരി ആക്റ്റീവ്.

    ReplyDelete
  37. ലിപി,

    ഞാനൊരു മെയിലയച്ചു കിട്ടിയോ? കാര്യങ്ങള്‍ പറയത്തക്ക പുരോഗതിക്ക് ഇനിയും കാത്തിരിക്കേണ്ടി വരും എന്നു തോന്നുന്നു. മൂന്നാമത്തെ അപ്ഡേറ്റ് ഒന്നു നോക്കിക്കോളൂ, താഴെലിങ്ക്

    http://goweri2.blogspot.com/2011/07/kerala-awareness-initiaive.html

    ReplyDelete
  38. ഹായ്
    സ്ത്രീകള്‍ നേരിടുന്ന പ്രശ്നങ്ങള്‍ വലിയ ഒരളവു വരെ പരിഹരിക്കാന്‍, ഗുണമേന്മയുള്ള വിദ്യാഭ്യാസവും സാമ്പത്തിക സ്വാതന്ത്ര്യവും ആണ് എനിക്ക് നിര്‍ദ്ദേശിക്കാനുള്ള രണ്ടു മാര്‍ഗങ്ങള്‍. അവ രണ്ടും ഏറെക്കുറെ പരസ്പരപൂരകങ്ങള്‍ ആണ്. അതേപ്പറ്റി വിശദമായി എഴുതാന്‍ ശ്രമിക്കാം. ഭാവുകങ്ങള്‍.

    alexanderantony.blogspot.com

    ReplyDelete
  39. ന്നാ പിന്നെ ഞാനും കൂടാം
    പതിനഞ്ചുകാരിയെ കൂട്ടത്തില്‍ കൂട്ടുവോ

    ReplyDelete
  40. അലക്സാണ്ടര്‍ സ്വാഗതം.

    തിര്ശ്ചയായും. വിദ്യാഭ്യാസം കുഴഞ്ഞാല്‍ എല്ലാം പോയി. വിദ്യാഭ്യാസവും സാമ്പത്തിക സ്വാതന്ത്ര്യവും പരസ്പര പൂര്‍കങ്ങളാണ്. സാമ്പത്തിക സ്വാതന്ത്ര്യം മനസിലാക്കിയ ഒരു സ്ത്രീ, വിവാഹക്കമ്പോളത്തില്‍ തിനിക്കു വിലയിടുന്നത് അംഗീകരിക്കില്ല. തീര്‍ചയായും അത് വളരെ അത്യാവയമായ ഒരു ഫീല്‍ഡാണ്. തീര്‍ശ്ചായായും എഴുതണം. ഞങ്ങളുടെ ബ്ലോഗിലേക്ക് ക്ഷണിക്കാം.

    ReplyDelete
  41. അജ്ഞലി ആ സംശയം തന്നെ അസ്ഥാനത്താണ്. നിങ്ങളു പിള്ളാരെ കണ്ണില്‍ കണ്ടുകൊണ്ടാണ് ഞങ്ങട ശ്രമം. ടീനേജേഴ്സിനെ ഞങ്ങള്‍ പ്രത്യേകം ടാര്‍ജെറ്റ് ചെയ്യുന്നുണ്ട്. ഞങ്ങള്‍ കഷണിക്കുന്നുണ്ട്, കൂടുതല്‍ വിവരങ്ങള്‍ ഉടനെ പുറത്തു വിടുന്നുണ്ട്.:)

    ReplyDelete
  42. ‘എന്റെ ദൈവമേ അവിടത്തേയ്ക്കു സ്തുതി’, ഈ പെണ്ണുങ്ങൾക്ക് ഇനിയെന്നാണ് ഒരു പുതിയ ശൈലിയിലുള്ള ബോധവൽക്കരണം ഉണ്ടാവുകയെന്ന്, കുറേനാളായി ഞാൻ ചിന്തിക്കുന്നു. ഇങ്ങനെയൊരാശയം എന്റെ ഭാര്യയും രണ്ടു പെണ്മക്കളുമായി ആലോചിക്കുകയും ചില തീരുമാനങ്ങളെടുത്ത് പ്രവർത്തിക്കുകയും ചെയ്തിട്ടുണ്ട്, വർഷങ്ങൾക്ക് മുമ്പുമുതൽ. ഈയിടെ ‘ബ്ലോഗുലക’ത്തിലേയ്ക്ക് പ്രവേശിച്ചപ്പോൾ, അതൊന്നുകൂടി സൂചിപ്പിക്കണമെന്ന വിചാരമാണ്, ‘പെണ്ണൊരുമ്പെട്ടാൽ..’എന്ന കഥയും സങ്കല്പവും കലർത്തിയുള്ള എഴുത്ത്. എന്റെ താൽക്കാലികപരിഹാരം ക്ഷിപ്രസാദ്ധ്യമല്ലെന്നു തോന്നിയിട്ടാകാം, ‘ലിപി’യെപ്പോലുള്ള ഒന്നുരണ്ടു മഹതികളല്ലാതെ മറ്റു പെണ്ണുങ്ങളൊന്നും ആ വഴിയേ നടന്നതുപോലുമില്ല. അതിനാൽ തുടരാതെ നിർത്തുകയും ചെയ്തു. എന്തായാലും ഇവിടെ കൂടിയിട്ടുള്ള എല്ലാ നല്ലവരുടേയും ‘പൊതുവിജ്ഞാനബോധസമ്പർക്കപദ്ധതി’ ഉജ്ജ്വലവും ഉദാത്തവുമായി പുരോഗമിക്കട്ടെ എന്ന് ആശംസിക്കുകയും അനുമോദിക്കുകയും ചെയ്തുകൊള്ളുന്നു. ( മുകളിലുള്ള ‘ബോധവൽക്കരണലേഖനത്തി’ലെ ചില അർത്ഥവ്യത്യാസം വരുന്ന അക്ഷരത്തെറ്റുകൾ ശ്രദ്ധിച്ച് ശരിയായ പദങ്ങളാക്കണമെന്ന് അപേക്ഷ.)

    ReplyDelete
  43. നല്ല ആശയം ....
    എന്നും നില നില്ല്കട്ടെ ...
    ഒരു പടവാള്‍ ആവാട്ടെ

    ReplyDelete
  44. വി.എ കൊള്ളാമല്ലോ

    ‘ആണത്വം’ എന്നപോലെ ‘പെണ്ണത്വ’വും ഉണ്ടെന്നു കാണിക്കാൻ ഒരു ശ്രമം, വിജയിക്കുമോ എന്നറിയില്ല,...’:)

    ഉം തോക്കും കത്തിയുമൊന്നുമെടുക്കാതെ തന്നെ എന്തെങ്കിലിലും സാധിക്കുമോ എന്നുള്ള ഒര്‍ ശ്രമം. ആ ശംസ്കള്‍ക്കും അനുമോദനങ്ങള്‍ക്കും വളരെ നന്ദി.

    ReplyDelete
  45. മൈ ഡ്രിംസ്

    ആശയത്തിന്റെ പടവാള്‍ :)

    ആശിര്‍വാദങ്ങള്‍ അപ്രീഷിയേറ്റ് ചെയ്യുന്നു

    ഒരു ദുബായിക്കാരന്‍

    നന്ദി

    ReplyDelete
  46. ഭാവുകങ്ങൾ...യഥാർത്ഥപ്രശ്നങ്ങളെ തുറന്ന മനസ്സോടെ സമീപിക്കാൻ കഴിയട്ടെ എന്ന ആശംസകളും .

    ഒപ്പം ചില ഫെമിനിസ്റ്റ് വികാരപ്രകടനക്കാർ ഇതിന്റെ മൂല ആശയങ്ങളെ ഹൈജാക്ക് ചെയ്യുമോ എന്ന വേവലാതിയും !

    ReplyDelete
  47. പഥികന്‍,

    വേവലാതി ഉണ്ട്. അല്ലേ? പക്ഷെ ഇതിന്റെ നയങ്ങള്‍ വായിച്ചു നോക്കൂ. നേരത്തേ നയങ്ങള്‍ ഒക്കെ എഴുതിച്ചേത്തത് ഇതിന്റെ ഉദ്ദേശം ആളുകള്‍ക്കു മനസിലാകട്ടെ എന്നുദ്ദേശിച്ചിട്ടാണ്. :)

    ReplyDelete

Post a Comment

Popular posts from this blog

ദേവദാസി-സംബന്ധ സമ്പ്രദായങ്ങളും ഇന്‍ഡ്യന്‍ സ്ത്രീത്വവും

വിഷു

മലപ്പുറത്തെ 33 സ്കുളുകളും കേരള ജനാധിപത്യവും