mk top 2012

Thursday, June 30, 2011

Thasni Banu interview by N.P.Chandrasekharan (അന്യോന്യം PEOPLE)

തസ്നി ബാനുവിന്റെ ഇമേജെറി

സ്ത്രീയെ ആശ്രയ അല്ലെങ്കില്‍ ഡിപ്പെന്‍ഡെന്‍ഡ് റോളില്‍ രൂപ്പടുത്തുകയാണ്  എല്ലാ മത സംസക്കാരങ്ങളും ചെയ്തിരുന്നത്.  അതു മനപൂര്‍വമായിരുന്നു താനും. കാരണം, ഇമേജുകളുടെ രൂപത്തില്‍ മനസിലേക്കു കടക്കുന്ന ആശയങ്ങല്‍ക്ക് വാക്കുകളേക്കാല്‍ പ്രേരണശക്തി ഉണ്ട്. അതാണല്ലോ ദൃശ്യമാദ്ധ്യമങ്ങളുടെ പ്രാധാന്യം.

സ്ത്രീ പാമ്പായും അഥവാ പാമ്പു കൊടുത്ത കനി സ്വീകരിച്ച് പുരുഷനെ വഴിതെറ്റിച്ചവളായും  ക്രിസ്തീയ മത രൂപകല്‍പ്പനകള്‍ ഉണ്ടായപോള്‍,  സ്ത്രീ പൊതുലോകത്തു മറഞ്ഞുനില്‍ക്കേണ്ടവളാണ് എന്നതു ഇസ്ല്ലാം മതത്തിനു രൂപകല്പന മാത്രമല്ല ഒരു ജീവിതരീതി കൂടിയാണ്.  ശിവന്റെ തലയിലെ ഗംഗയായി ഹിന്ദുത്വ ഇമേജുകളീല്‍ സ്ത്രീ വരുമ്പോള്‍ ബുദ്ധമത വ്യവസ്ഥയില്‍ അതില്‍ നിന്നൊക്കെ വ്യത്യസ്ഥമായി സ്ത്ര-പുരുഷ ഇമേജെറികള്‍ പുരാതന ചൈനീസ് യിന്‍-യാങ് ചിന്തകളുമായി സാമ്യമുള്ളവയായിരുന്നു.

 ഈ പശ്ചാത്തലത്തിലാണ് ആധുനിക ലോകത്തെ സ്ത്രീപുരുഷ ഇമേജുകളുടെ പ്രാധാന്യം മനസിലാക്കേണ്ടത്.   പൊതു സ്ഥലങ്ങളീല്‍ മുന്‍പുള്ളരീതികള്‍ക്കു വിപരീതമായി സ്ത്രീകള്‍ പ്രത്യക്ഷപ്പെടുമ്പോള്‍ അത് പുരുഷന്റെ മനസിലെ വ്യവസ്ഥാപിത ഇമേജുകളുമായി ചേരാതെ വരുന്നു. അവര്‍ പ്രകോപിതറാകുന്നു, പ്രതികരികുന്നു. ആ പ്രതികരണത്തില്‍ സ്ത്രീ ഭയപെടുന്നു, ഓടിയൊളിക്കുന്നു, കരയുന്നു, വിലവിളിക്കുന്നു. (സിനിമ സൃഷ്ടിക്കുന്ന ഇമേജുകള്‍). ഇനിയൊരിക്കലും ഇങ്ങനെയുള്ള അവസ്ഥയില്‍ സ്വയം എത്തിപ്പെടാതിരിക്കാന്‍ മനപൂര്‍വം മുങ്കരുതലുകള്‍ എടുക്കുന്നു.

 എന്നാല്‍ തസ്നി അങ്ങനെയല്ല. അവര്‍ ഓടിയൊളിക്കുന്നില്ല. ഇന്റെര്‍വൂവില്‍ പറയുന്നതു പോലെ ഇതേ അനുഭവത്തിലൂടെ കടന്നു പോയിട്ടുള്ളവരാരും പോലീല്‍ കേസിനു പോവാന്‍ തയ്യാറാകാതിരിക്കുമ്പോള്‍ അവര്‍ അതിനു തയ്യാറാകുന്നു.  അതു കൊണ്ട്  ഈ ഇന്റെര്‍വൂവിലൂടെ അവര്‍ നല്‍കുന്നതൊരു പുതിയ ഇമേജെറിയാണ്.  മാറ്റങ്ങള്‍ ആഗ്രഹിക്കുന്ന ആര്‍ക്കും ശ്രദ്ധിക്കന്‍ കഴിയാത്ത ആശയങ്ങള്‍ അവര്‍ ചോദ്യങ്ങളായും ഉത്തരങ്ങളായും പുതിയ ഇമേജെറികളായി അവതരിപ്പിക്കുന്നുണ്ട്.  അവ നമ്മുടെ മനസിലുള്ള പഴയ ഇമേജെറികളെ തൂത്തെറിയാന്‍ സഹായിക്കേണ്ടിയിരിക്കുന്നു.

അടുത്തകാലത്ത് ആക്രമണവിധേയാ‍രായി ഒ. കെ. ഇന്ദുവും, സൌമ്യയും ഇന്നു ജീവിച്ചിരിപ്പില്ലല്ലോ നമ്മോട് അവരുടെ അനുഭവങ്ങള്‍ പറയാന്‍. ജീവിച്ചിരിക്കുന്നതു തസ്നി മാത്രമാണ്. അവരുടെ ശബ്ദം കേള്‍ക്കു, എന്നിട്ടു നിങ്ങള്‍ ചിന്തിക്കൂ.
 കടപ്പാട് പീപ്പിള്‍.




Read more »

Tuesday, June 28, 2011

An Awareness Initiative (ബോധവര്‍ല്‍ക്കരണ സംരംഭം)

 Updated on 29 June Wednesday 2011


 സ്റ്റേജ് -1 ബ്രെയിന്‍ സ്റ്റോമിംഗ് സ്റ്റേജ്.  എന്നു പറഞ്ഞാല്‍ അസംസ്കൃത ആശയങ്ങള്‍ രൂപപ്പെടുന്ന സ്റ്റേജ്. ഇവിടെ രൂപപ്പെടുന്നവക്ക് പോളീഷ് കൊടുക്കുകയാണ് പിന്നീട് ചെയ്യുന്നത്. ഇതു വരെ ഇതിലേക്കായി അനുകൂലമായി പ്രതികരിച്ചവര്‍/ അഭിപ്രായം പറഞ്ഞവര്‍ താഴെപ്പറയുന്നവരാണ്.

1. കുഞ്ഞൂസ്
2. ലീല.എം.ചന്ദ്രന്‍
3.സിബു സി.ജെ
4. ഫയര്‍ ഫ്ലൈ (firefly)
5. മുഹമ്മദ് കുട്ടി Mohammedkutty
6. The man to walk with
7 Echumukuty

ഇവരാണ്. ഇനിയും കൂടുതല്‍ ആളുകള്‍ ഇതിലേക്കു വരാനുണ്ട്. വരുമെന്ന് പ്രതീക്ഷിക്കുന്നു. എത്രയും കൂടുതല്‍ ആളുകള്‍ ഇതില്‍ വരുന്നുവോ അത്രയു ഭംഗിയായി നമുക്കു കര്യങ്ങള്‍ ചെയ്യാം.

ഇനിയും ചേരാനുള്ളവര്‍ വരട്ടെ.

ഇപ്പോള്‍ നമുക്കെന്തു ചെയ്യാം.

കൂടുതല്‍ ആളുകള്‍ ചേരുമ്പോഴേക്ക് നമുക്കെന്തു ചെയ്യാം/ ചെയ്യണം എന്നുള്ളതിനേക്കുറിച്ച് ആലോചിക്കാം.
1. ഇതു നമ്മുടെ ഓരോരുത്തരുടെയും സ്വന്തമാണ്. അങ്ങനെയാണ് ഇതു വളര്‍ന്നു വരേണ്ടതും പ്രവര്‍ത്തിക്കേണ്ടതും.
2 അതിനാല്‍, ഇവിടെ ഒത്തുചേര്‍ന്ന ഓരോരുത്തര്‍ക്കും ഈ പ്രശ്നത്തെക്കുറിച്ച് നല്ല് അറിവുകള്‍ ഉണ്ട്.  അപ്പോള്‍ അതിനെക്കുറിച്ച്  എഴുതുക, അതാ‍യത് ഈ പ്രശ്നം എന്ത് (define the problem as you think), അതിന്റെ കാരണങ്ങള്‍ (Its causes), അതിന്റെ പരിഹാരമാര്‍ഗങ്ങള്‍,(possible solutions) എന്ത് ഇതിലേക്കു സ്വന്തമായി ചെയ്യാന്‍ കഴിയും (What can I do), കൂട്ടായി ചെയ്യാന്‍ കഴിയും, (What should we do together).  പിന്നെ എങ്ങനെ നമുക്കിതു പരമാവധി ആളുകളില്‍ എത്തിക്കാം തുടങ്ങിയവ. ഇത്രയുമാണ് ഞാന്‍ ചിന്തിക്കുന്നത്. കൂടുതല്‍ ചേര്‍ക്കുക, നിങ്ങളുടെ ക്രിയാത്മകബുദ്ദിയും, ചിതകളും ഉപയോഗിക്കുക. അതുകൊണ്ട്, ഞാന്‍ പറയുന്നതില്‍ മാത്രം ഒതുക്കരുത്.
2. മിനിമം രണ്ടൂ ഭാഗങ്ങളായാണ് നമ്മുടെ സമീപനങ്ങള്‍ 1 അവബോധനം. 2. പ്രശ്ന പരിഹാരം. ഒരു പ്രശ്നം ഉണ്ടാകുമ്പോള്‍ ഒരു വിക്റ്റിമിന്  ഏതു തരത്തില്‍ രക്ഷനേടാം. എവിടൊക്കെയാണ് സഹായം ലഭിക്കുന്നത് തുടങ്ങിയവ.

3, ഇതൊക്കെ ഒന്നുകില്‍ ഈ പോസ്റ്റില്‍ കമന്റായി എഴുതുക, അല്ലെങ്കില്‍ നിങ്ങളുടെ ബ്ലോഗില്‍ പോസ്റ്റു ചെയ്തു ലിങ്ക് ഇവിടെ ഇവിടെ കമന്റായി ചേര്‍ക്കുക.
4. ഇവിടെ സിബുവിന്റെ കമന്റ് ഒരു ഉദാഹരണ്മായി എടുക്കാം. സിബു സാങ്കേതികമായും ആശയപരമായും ഉള്ള അഭിപ്രായങ്ങള്‍ ആണ് എഴുതിയിരിക്കുന്നത്. അതുപോലെയുള്ള അഭിപ്രായങ്ങള്‍ എഴുതുക.

5. എന്തും എഴുതുക. അതായത് ഞാന്‍ മുകളില്‍ എഴുതിയതു പോലെ ഇതു ബ്രെയിന്‍ സ്റ്റോമിംഗ്  സ്റ്റേജാണ്. ഇവിടെ വരുന്ന ആശയങ്ങള്‍ തേച്ചുമിനുക്കിയാണ് നമ്മള്‍ മുന്നോടു പോകുന്നത്
6. ഇതൊരു ബോട്ടം അപ് /ജനകീയ അപ്രോച്ച് ആണ്. ആരും ഒന്നും അറിയാവുന്നവരല്ല, ഇവിടെ, എല്ലാ‍വരും കൂടി ഒത്തു ചേര്‍ന്ന്  അവരവര്‍ക്കറിയാവുന്ന കൊച്ചു അറിവുകളും ചിന്തകളും കൂട്ടിച്ചേര്‍ത്ത് ഒരു വലിയ ആശയമാക്കുന്നു, അത് പ്രവര്‍ത്തിയിലാക്കുന്നു. അത്ര തന്നെ.

7.ആ ഒരു വലിയ ആശയത്തിന്റെ വഴിക്കാട്ടികളാണ് എന്നു നമ്മള്‍ അഭിമാനിക്കുക. Together we can tackle many things. Be proud of ourselves and move forward.

June 28 Tuesday 2011

 എന്തുകൊണ്ട്, സ്ത്രീകള്‍ക്ക് ഒരു ബോധവല്‍ക്കരണത്തിനായി ഒരുമിച്ചുകൂടാ?
പലപ്പോഴായി ചിന്തിച്ചിട്ടുള്ളതാണ്. കഴിഞ്ഞ ദിവസം സിബുവിന്റെ  ഒരു ബസ്സിലും ഇങ്ങനെ ഒരു ചോദ്യമുണ്ടായപ്പോള്‍ അതിനെ ക്കുറിച്ച് കുറച്ചുകൂടി ഗൌരവമായി ചിന്തിച്ചു.

Read more »

Sunday, June 26, 2011

കേരളം- ആണ്‍-പെണ്‍ ബന്ധങ്ങള്‍

മുന്‍പെഴുതിയ പോസ്റ്റിന്റെ തുടര്‍ച്ച
 വ്യവസ്ഥാപിത മതങ്ങള്‍ ഉണ്ടാകുന്നത് ഏതാണ്ട് ബി.സി. മൂന്നാം ന്നൂറ്റാണ്ടിനു ശേഷമാകാനാണ് സദ്ധ്യത എന്നു പറഞ്ഞിരുന്നുവല്ലോ.    ക്രിസ്ത്യാനിറ്റിയും, ബ്രാഹ്മണമതവും, ഇസ്ലാമും ഇതിനപവാ‍ദമല്ല. എല്ലാ സംസ്കാരങ്ങളിലും സ്ത്രീയുടെ ജീവിതത്തിന് മതങ്ങള്‍ക്കു  മുന്‍പും പിന്‍പും എന്ന റ്റണ്ട് അവസ്ഥകളുണ്ട്. ഇന്ത്യന്‍ സ്ത്രീയുടെ ഈ രണ്ട അവസ്ഥകളെ കുറിച്ചാണ് ഞാന്‍ ഇവിടെ എഴുതുന്നത്. 

Read more »

വഴിമുട്ടിനില്‍ക്കുന്ന കേരള(ഇന്‍ഡ്യന്‍)സ്ത്രീത്വം

 2007ല്‍ എഴുതിയ ഒരു പോസ്റ്റിനെക്കുറിച്ച് ഇപ്പോള്‍ ഓര്‍മ്മ വരുന്നു.  അന്ന് അതു വേറൊരു സാഹചര്യത്തില്‍ എഴുതിയതായിരുന്നു. ജാതി-മത-വര്‍ണ-അവര്‍ണ വ്യവസ്ഥയുടെ  ചട്ടക്കൂട്ടില്‍ നിന്നുകൊണ്ട്, കേരള/ഇന്‍ഡ്യന്‍ സ്ത്രീയെകാണുന്ന ഒരു പശ്ചാത്തലത്തില്‍. പക്ഷെ ഇന്നത്തെ പ്രശ്നം ജാതിമതവര്‍ണ-അവര്‍ണ സന്ദര്‍ഭങ്ങള്‍ക്ക് ഏതാണ്ട് പുറത്തു കടക്കുന്നതാണ്. എന്നാലും ആ പോസ്റ്റിന്റെ ചില ഭാഗങ്ങള്‍ ഉപയോഗ പ്രദമാണ് എന്നു തോന്നുന്നതിനാല്‍ ഒരു പുനരാവിഷ്ക്കരണം നടത്തുന്നു.

Read more »

Sunday, June 19, 2011

കേരള പൊതുവിദ്യാഭാസ കച്ചവടവും മാര്‍ക്കറ്റ് വ്യവസ്ഥയും

കഴിഞ്ഞപോസ്റ്റില്‍ ഞാന്‍ എഴുതി, 2011 അദ്ധ്യയനവര്‍ഷത്തില്‍, (June to March) കേരളത്തിന്റെ പൊതുവിദ്യാഭ്യാസ മേഖലയില്‍ ഒരു ലക്ഷത്തി ഇരുപതിനായിരം കുട്ടികള്‍ കുറവായി എന്ന്.  അതോടൊപ്പം 540 സ്വകാര്യ സ്കൂളുകള്‍ക്ക് എന്‍.ഓ.സി. നല്‍കാന്‍ ഗവണ്മെന്റു തീരുമാനിച്ചു എന്നും.

ശരിക്കു ചിന്തിച്ചാല്‍, ഈ രണ്ടു സംഭവങ്ങളും പരസ്പര വിരുദ്ധമായ കാര്യങ്ങളാണെന്നു മനസിലാക്കാം.

Read more »

Friday, June 17, 2011

കേരളവിദ്യാഭ്യാസം - പ്രതിസന്ധിയില്‍ (Kerala education at a Crossroads)

അടുത്തയിടെ നിരന്തരമായി വരുന്ന പത്രവാര്‍ത്തകളീല്‍ നിന്ന് മനസിലാകുന്നത് കേരളവിദ്യാഭ്യാസം ഒരു പ്രതിസന്ധിയില്‍ ആണെന്നാണ്.  അതിനുപോല്‍ബലകമായ  വാര്‍ത്തകളെ ഒന്ന് അക്കമിട്ടു പറഞ്ഞാല്‍:

Read more »