mk top 2012

Sunday, November 28, 2010

നാട്ടിലേക്ക് ലീവില്‍ വരുന്നു

പ്രിയ ബ്ലോഗേഴ്സ്,

ഞങ്ങള്‍ രണ്ടു ബ്ലോഗേഴ്സ് സൌത്താഫ്രിക്കയില്‍ നിന്ന് നാട്ടില്‍ ഒരു മാസത്തെ (ഡിസംബര്‍ 13 2010- ജനുവരി 14 2011 വരെ) അവധിക്കു നാട്ടില്‍ എത്തുന്നു.

അതിനിപ്പോ എന്താ എന്നു ചൊദിച്ചാല്‍, വല്ല ബ്ലോഗു കൂട്ടായ്മ വല്ലതും ആരെങ്കിലും തയ്യാറാക്കുന്നുണ്ടെങ്കില്‍ വിവരമറിയിക്കുമല്ലോ എന്നു താഴ്മയായി അപേക്ഷിക്കയാണ് ഉദ്ദേശം.

ഇപ്പോഴത്തെ ബ്ലോഗിന്റെ അവസ്ഥ എന്താണെന്നു വച്ചാല്‍, പിള്ളേരൊക്കെ പ്രായമായപ്പോള്‍ ഭാഗം വച്ചു പിരിഞ്ഞ തറവാടിന്റെ ഒരനുഭവമാണല്ലോ. ചിലരൊക്കെ ഒരോരോ കൂട്ടം പീരിഞ്ഞു പോയി. നല്ലതു തന്നെ. തറവാടിന്റെ ചുട്ടുവട്ടത്ത് എല്ലാരും കൂടെ കിടന്നു കടിപിടി കൂടുന്നതിലും നല്ലതാണ് സര്‍ഗവാസനയുടെ വ്യതിരക്തമായ മാനങ്ങല്‍ തേടി സ്വതന്ത്രരാകുന്നത്.

പിന്നെ ഒരു കുട്ടരു ബസ്സു മുതലാളിമാരായി പ്രത്യേകം പ്രത്യേകം റൂട്ടില്‍ ബസോടിച്ച്, കലപിലപറഞ്ഞ്, കൊച്ചു വര്‍ത്താനം പറഞ്ഞ്, അങ്ങനെ ആനന്ദിക്കുന്നു. ചില റൂട്ടുകളിലൊക്കെ ഇന്‍ഫര്‍മേഷന്‍, വാര്‍ത്ത എക്സ്പ്ലോഷന്‍ നന്നായി നടക്കുന്നുമുണ്ട്.  നമ്മുടെ ജയന്‍ ഡോക്ടര്‍ എല്ലാരേം തിരിച്ചു വിളിക്കാനൊരു ശ്രമം നടത്തിയിരുന്നു. ഫലം എന്തായോ?

എന്തായാലും കൂട്ടം പിരിഞ്ഞുപോയവര്‍ ഇനി പഴേപോലെ തിരിച്ചുവരുമെന്നൊന്നും പ്രതീക്ഷിക്കുന്നില്ല. എന്നാലും എല്ലവരും കൂടി ഒന്നു സഹകരിക്കുക അതു നല്ല്ലതല്ലേ?

പണ്ടും കാര്‍ന്നോന്മാരട കലത്തും ഇങ്ങനെ ഭാഗം വച്ചു പോകലൊക്കെ നടന്നിരുന്നല്ലോ? അതിനാണ് ഒന്നിച്ചു ചേരാന്‍ നാട്ടില്‍ ഉത്സവങ്ങള്‍, ചോരൂണ്, കല്യാണം ഇതൊക്കെ ആഘോഷമാക്കിയിരുന്നത്.

അപ്പോള്‍ പിന്നെ ഈ ബ്ലോഗര്‍ന്മാരും അങ്ങനൊക്കെ വല്ലപ്പോഴും ഒന്നിച്ചു കൂടി ആഘോഷമാക്കുക. അഭ്യര്‍ഥനയാണ്. നമുക്കു കല്യാണോം ചോറൂണുമൊന്നും നൊക്കേണ്ട. ഏതുസമയത്തും ബ്ലൊഗ്ഗുമീറ്റ് നടത്താല്ലോ.

വിവരങ്ങള്‍ ഇവിടെ കമന്റായോ ഇമെയിലായോ അറിയിക്കുക.

ആരെങ്കിലും മൂവാറ്റുപിഴ വരെ വരുന്നു എങ്കില്‍ അറിയിക്കുക. ഒത്തു കൂടാന്‍ സധിക്കുന്നതില്‍ സന്തോഷമുണ്ട്. മൂവാറ്റുപുഴക്കു ചുറ്റുമുള്ള ബ്ലോഗര്‍മാര്‍ ആരൊക്കെയാണ് എന്നറിയാനും താല്പര്യമുണ്ട്. :)


prasannaragh@gmail.com

സസ്നേഹം
ആവനാഴി & മാവേലികേരളം

Read more »